د سرپل لوړو زده کړو مؤسسې له رئیس سره د کانکور د ملي ازموینو ادارې د پلاوي لیدنه
د سرپل لوړو زده کړو مؤسسې له رئیس سره د کانکور د ملي ازموینو ادارې د پلاوي لیدنه
نن دوشنبه، د ۱۴۰۴ هـ ش کال د چنګاښ ۲مه، د کانکور د ملي ازموینو ادارې یو پلاوي د سرپل لوړو زده کړو مؤسسې له رئیس الحاج مولوي سید شاه «حمیدي» سره د هغه په کاري دفتر کې ولیدل او خبرې یې وکړې.
په دې لیدنه کې د بایومتریک بهیر، د ازموینې د ځای تنظیم، امنیتي او روغتیايي تدابیر او نورو اړوندو مهمو موضوعاتو په اړه بحث او نظرونه تبادله شول.
د سرپل لوړو زده کړو مؤسسې رئیس، پلاوي ته د ښه راغلاست ویلو ترڅنګ، د کانکور د ملي ازموینې د شفاف، منظم او اغېزناک ترسره کېدو لپاره د مؤسسې د هر اړخیزې همکارۍ ډاډ ورکړ او ټینګار یې وکړ چې باید د دې ملي بهیر په ټولو پړاوونو کې شفافیت تأمین شي.
په درنښت
د نشراتو او عامه پوهاوي عمومي مدیریت
